حلمى يا أمى

كنت أسير بجوار النيل ...مستمتعة بنسمات الليل ... تذكرت ملامح أمى

قد يقولون عنها المحروسة .. وطن العروبة .. أم الدنيا

ولكنها بالنسبة لى " أمى " التى تحتوينى حين يضيق بى الحال.. وتخفف عنى بلمسة حانية الألالم

أشكو اليها همومى وأشجانى .. وتشاركنى أفراحى والبسمة تضىء وجهها بتلك البسمة تضىء سمائى

وتتحلى بأجمل الثياب فى الربيع .. وتسامرنى فى الصيف .. وتدفئنى بين أحضانها فى الشتاء



وتتطلع الى كأنى طفلة صغيرة خايفة عليا من اللى جاى بكرة على الرغم من أنى على مشارف العشرين



وتداعبنى متسا ئلة عن فارس أحلامى .. وحين ترى الحمرة تعلو وجنتى .. تضحك وتدعو لى بالزوج الصالح



ثم سرعان ما تنخفض نبرات صوتها وتخبرنى " خايفة أموت قبل ما أشوفك عروس وأفرح بعيالك"



فتتحول بسمتى الى عبوس والحمرة الى شحوب, وأحاول جاهدة ازالة مخاوفها وأخبرها مطمئنة اياها


" ان شاء الله يا أمى تفرحى بيا وبأحفادك ... عارفة يا أمى أنا بأتمنى ربنا يرزقنى زوج صالح




يكرمنى ويحبنى ويخاف عليا زيك ويشاركنى أحلامى نبنى بكرة لولادنا وهأكون معاه فى السراء والضراء



ايدينا فى ايد بعض نربى ولادنا أمل المستقبل شباب واعى فاهم عارف دينه وحدوده فى قلبه وطنه غالى



منتمى لبلده خايف عليها أكتر من نفسه

نربيهم بالحزم والحنان نسمعهم نوجههم .. نصحابهم



نعرف منين صحابهم .. نعلمهم أن الحياة صعبة ولازم نضحى عشان نوصل لأهدافنا

انهم عايشين لهدف فى حياتهم


منتجين مش عالة على مجتمعهم .. ان الأخ يخاف على أخته ويحترمها

أنا يا أمى مش عايزة من الدنيا غير أن أرضى زوجى

وأربى ولادى صح .. وفى الأخرة أدخل الجنة " خدتنى فى حضنها وقالتى " ربنا يحقق لك حلمك .